Farhat Qadri Poet/Writer Index Page of Biography

--: Biography of Farhat Qadri :--

Farhat Qadri  فرحت قادری   اصلی نام          :   سیّد ابو الفرح ذوالنّون احمد  قلمی نام          :   فرحت قادری  والد              :  حکیم ابوالظفر سیّد محمد قادری  (وطن جدّی         :   شیخ پورہ(بہار (وطن ثانی           :  گیا(بہار تاریخ پیدائش       :   ۶؍جنوری ۱۹۲۸؁ء (تعلیم              :   درس نظامی (دیوبند) ،آئی ۔کام(گیا کالج ،گیا (ملازمت           :    سبکدوش (سرشتہ دار، سول کورٹ ،گیا   تصانیف           :    زمین ہند (۱۹۶۸)،کائنات غم(۱۹۷۵)،ضروریات ِشعر وادب (۱۹۸۱)،شیشے اور پتھر( ۱۹۸۳)،رقص وعکس                                                            (۱۹۸۸)،ایک کام اور(۱۹۹۷) ،اندھیرے کے مسافر(۱۹۹۹) ،فرحت قادری ۔فن اور فنکار (۲۰۰۶)،انداز        غزل۲۰۱۲   نصف درجن شعری مجموعوں کے خالق سیّد فرحت قادری مختلف اضاف ِ سخن کے ذریعے اپنے جذبات واحساسات کا شاعرانہ اظہار کر تے ہیں ، لیکن اساسی طور پر غزل کے شاعر ہیں اور عام ذہن کے نہاںخانے میں اپنے متنوع مشاہدات وتجربات کی نمایاں تصویرکھینچنے کی تخلیقی کاوش کرتے ہیں ، جہاں پیکر تراشی کے نقش ونگار کا احساس جمال نمودار ہوتاہوا محسوس ہوتاہے ۔ایک جغرافیائی پس منظر کے تحت اس امر کی وضاحت کی جھلک دیکھی جا سکتی ہے  ؎ سورج ہے کعبہ ، چاند مدینہ شریف ہے  جلتے ہیں دو چراغ ہمیشہ زمین پر ایک آدھ شعر اور   ؎ آبادی گلشن سے ویرانی ِصحرا تک  ڈھا ئے ہیں ستم تو نے اے موج صبا کتنے    زندگی اٹھتی ہے ہر روز کوئی نیزہ لیے  اپنے ہی آپ سے انسان کی ہے جنگ یہاں مثال کے طورپر تیسر ے شعر میں ’’زندگی کا نیزہ لے کر اٹھنا ‘‘ایک بصری پیکر کا استعارہ ہے اور انسان کی اپنے آپ سے جنگ کا مرحلہ حرکی پیکر کا اشارہ نمابھی ہے۔ جناب فرحت قادری کی فنّی تخلیقی شخصیت بظاہر رمزیہ نہیں ہوتی، مگر موصوف کی ادبی شخصیت معقول تشبیہ واستعارے اور مناسب تراکیب کے ذریعے تخلیقِ شعر میں ایک شعری ابہام ضرور پیدا کر دیتی ہے اور معنیاتی طور پر دیکھاجائے تو شعر کی معنوی طلسمتابی جہت فن کار کی فنّی شخصیت میں ایک تغزُّلانہ نور بھر دیتی ہے ۔ اس کے بر عکس یہ کہا جا سکتاہے کہ تخلیق کا ر کا تخلیقی اُسلوب سادہ ، مگر پرُکا ر ہے اور پر لطف بھی ،جہاں شعر کے دورانِ تفہیم ایک تابناک جمالیاتی لہجے کی خوشبو کااحساس ہو تاہے مثلا ً   ؎ اُف یہ انداز مسکرانے کا  دل دھڑکنے لگا زمانے کا    فصیل ِوقت کے سایو !  ذرا ٹھہر جا ؤ کسی کی یا د کے لمحات چُن رہا ہے کوئی    ستارے موم ہو تے جارہے ہیں  کوئی شعلہ بدن گرم ِسفر ہے    لذت ِدورِ خوش گوار گئی تم گئے ، گھر کی ہر بہار گئی   الغرض جناب فرحت قادری کا صحت مند استعاراتی اُسلوب اگر ایک طرف حالیہ ادبی شعری منظر نامے میں ایک امتیازی حیثیت رکھتاہے تو دوسری طرف واضح اظہارِ فکر وتخیّل کی بدولت ایک خاص  اندازِ غزل  کی تشکیل وتعمیر کا احساس بھی ہو تاہے ۔    ڈاکٹر کلیم اختر پھلواری شریف ،پٹنہ ۔801505 موبائل:8757878127

You are Visitor Number : 1918