Samet sakta ho tum jeet apni mutthi mei'n,
Hame;n to pahle hi aadat hai haar jaane ki,
Hame'n khabar hai kisi roz chhod jaaoge,
Nahi hai tum ko zaroorat kisi bahaane ki |
Author : Faakhra Batol |
|
Kya kiya Khizar ne Sikander se,
Ab kise rahnuma kare koi.
|
Author : Mirza Ghalib |
|
Jeena jo aagaya tau ajal bhi hayaat hai,
Aur yoo’n tau umr-e-Khizar bhi kya be-sabaat hai.
|
Author : Firaq Gorakhpuri |
|
Be sarfa hi guzarti hai ho garche umr-e-Khizar,
Hazrat bhi kal kahe’nge: hum ne kya kya kieye!
|
Author : Mirza Ghalib |
|
Ho umr-e-Khizar bhi tau ho maaloom waqt-e-marg,
Hum kya rahe yahaa’n, abhi aae, abhi chale.
|
Author : zauq |
|
Barso’n taein jahaa’n mei’n kyo’nkar raha hai Khizar,
Mai’n chaar din ke jeene mei’n bezaar ho gaya.
|
Author : Mir Taqi Mir |
|
Laazim nahi’n ke Khizar ki hum pairwi kare’n,
Maana ke ik bazurg hame’n hum safar mile.
|
Author : Mirza Ghalib |
|
Taqleed ki rawish se tau behtar hai khud-kushi,
Rasta bhi dhoond, Khizar ka sauda bhi chhor de.
|
Author : Allama Iqbal |
|