donateplease
newsletter
newsletter
rishta online logo
rosemine
Bazme Adab
Google   Site  
Bookmark and Share 
afsane
 
Urdu Couplets/Qataat/Rubayee on
SHABNAM

Hai yeh farhat bakhsh manzar deeda o dil ke liye
Khoobsoorat jheel ke pahlu meiN dilkash kohsaar

 

Author : Ahmad Ali Barqi Azmi

Wo aag aag thee, kabhi shabnam nahin bani
‘Akhtar’ magar yeh aag “shajarti” hui mili
Author : Kalim Akhtar

Kalee udaas hai, kyon phool sookh jaata hai
hawa ki qatra-e-shabnam ise jalata hai
Author : Kalim Akhtar

Shabnam, sharar, ki barq thee tere badan ki aag
kis kis libaas mein thee sajan! raat, tan ki aag
Author : Kalim Akhtar

Yeh ashk ashk jo shabnam dekhaai deta hai, 
Tumhe to deedavaro'n kam dekhaai detaa hai. 
Author : Professor Iqbal Azeem

Mujhe Raaz o niaze shabnam o gul yaad aata hai, 
Ke mei'n rota hu'n ju'n ju'n aap khanda'n hote jaate hai'n.
 
Author : Yaas Bihari

Chaman mei’n kaun hai pursaan-e-haal shabnam ka,
Gharib roi tau ghuncho’n ko bhi ha’nsi aai.
Author : Arsh Malsiani

Masnad-e-gul manzil-e-shabnam hui,
Dekh rutba deeda-e-bedaar ka.
Author : Wali Deccani

Kahi’n eesaar-e-ghum jaata hai zaayaa,
Chaman shadaab hai, shabnam nahi’n hai.
Author : Jigar Muradabadi

Phir garm-e-niwaazish hai zau mehr-e-darakhshaa’n ki,
Phir qatra-e-shabnam mei’n hangama-e-toofaa’n hai.
Author : Asgher Gondvi

Haasil hai kya siwaaey taraai ke dahar mei’n,
Uth aasmaa’n tale se, ke shabnam bahut hai yaa’n.
Author : Mir Taqi Mir

Ai Dard jiski aa’nkh khuli is jahaa’n mei’n,
Shabnam ki tarah jaan ko apni woh ro gaya.
Author : Dard Dehlavi

‘Purtaw-e-khur se hai shabnam ko fana ki taaleem, 
Mai’n bhii hoo’n ik inaait ki nazar hone tak.
Author : Mirza Ghalib

Taare. sharar-e-aah ham insaa’n ki zabaa’n mei’n,
Mai’n girya-e-gardoo’n hoo’n, gulistaa’n ki zabaa’n mei’n
Author : Allama Iqbal

Chaman mei’n subah yeh kahti thii ho kar chashm-e-tar shabnam,
Bahaar-e-bagh tau yoo’nhi rahi, lekin kidhar shabnam
Author : Dard Dehlavi

Na samjha Dard hum ne bhed yaa’n ki saadi-o-ghum ka,
 Sahar khandaan hai kyo’n, roti hai kisko, yaad kar shabnam.
Author : Dard Dehlavi

Bood-e-adam namood-e-shabnam hai,
 Ek do dam mei’n phir hawa hai yeh.
Author : Mir Taqi Mir

Khud apne husn ka jalwa tha dekhna manzoor,
Utar ke qatra-e-shabnam mei’n aaftaab aaya.
Author : Maikash Kashmiri

Aaj hum ne yeh kya naira’ngi-e-aalam dekhi,
Unke chehre se ayaa’n kaifeeat-e-ghum dekhi,
Author : unknown

Aarzon pe dhalakte hue aa’nsoo, tauba!
Hum ne sholo’n pe machalti hui shabnam dekhi.
Author : Josh Malihabadi

 
Total Visit on SHABNAM : 1107