ROZ DEKHE HAIN GHAM-O-YAAS KE MANZAR KITNE .
DIL MEN PEWAST HAIN HAALAAT KE KHANJAR KITNE .

HO JO FURSAT TO KABHI POOCHHO KISI MUFLIS SE .
KHUSHK AANKHON MEN HAIN ASHKON KE SAMUNDAR KITNE .

EIK CHEHRA HAI , LIBAAS EIK BATAUN KYUN KAR .
KITNE RAHZAN HAIN MIRE SHAHR MEN RAHZAN KITNE .

TUM NE KAATA BAS IK PER TUMHEN KYA MAALOOM .
AAJ MAASOOM PARINDE HUAY BE GHAR KITNE .

RAHRAWE RAAI-E-TALAB HUN MUJHE KUCH HOSH NAHIN .
RAAH MEN MERI BICHHAYE GAYE PATTHAR KITNE .

ZEB DETI NAHIN INSAAN KO NAKHWAT AIY DOST .
MIL GAYE KHAAK MEN DARA-O-SIKANDAR KITNE .