Mujhe dee hai too ne yeh zindagee
Mujhe too ne dee hai harik khushee

Tere zikr se ho zaban tar
Yehi zikr bus ho zaban per

Tira ishq wajHe suroor hai
Tira zikr baayise noor hai

Ke koiee na tujh sa Kareem hai
Bhala kaun aisa Raheem hai

Mujhe chaahtaoN ka Samar mile
Ke Madine meN koiee ghar mile

Sheh.e Anbia’ ki kaneez hooN
Tire Mustafa* ki kaneez hooN

Na mahal na mujhko makan de
Mujhe ai Kareem amaan de

Yehi ilteja yehi Aarzoo
Mire dil meN bus yehi justajoo

Tira rahm ho miree zaat ho
Miri roz-e Hashr nijat ho

"Aarzoo Mehek"