Mili Khaak me.N aarzoo zindagee ki
kahaN dil men ab justjoo zindagee ki
ajal hai mire gham ki m'eraaj shaayad
chaloo buch gayee aabroo zindagee ki
Yeh kashtee, yeh toofaN, ye saHil se dooree
Yeh tasveer hai hoo bahoo zindagee ki
Tujhe kya sunaaooN shab.e gham ki qissey
Sunega kahani nah too zindagee ki
Bahaaye nah aaNsoo taRap kar nah roye
Banaa zabt-e gham aabroo zindagee ki
Diye "Aarzoo" ko woh gham zindagee ne
Keh miT hee gayee aarzoo zindagee ki
"Aarzoo Mehek"