Ashq aur aas ko ankhon main liyee aayee hai
Aapke dar pe dil.o jaan ko utha laaye hai
Zahn madhosh se ho jayeN kuch aisee hai mahak
Aaj kya seedhi Madeene se hawa aayee hai
Ab dua hai keh qasam TooT na jaye Maula
Aap ke hukm pe chalne ki qasam khayee hai
Koyee Sarkar-e Madina se yeh kah de jaa ker
Ik gunahgaar ziyarat ki tamannayee hai
JaaN meri aap pe qurbaaN hai Kamli wale
Aap ne raah hameN deen ki dikhlaayee hai
"Aarzoo" ko bhi Nabi apni bana lije kaneez
Hai Khat’aakaar magar aap ki shaidaayee hai
"Aarzoo Mehek"