Guzre waqt tire daman meN chuntee hooN yadooN ke phool
Waqt ki gardish cheez buree hai jis se yeh Takraaye haiN
Phool tou phir bhi phool raheNge mana woh murjhaye haiN
Guzre waqt tire daman meN chuntee hooN yadooN ke phool
Saath guzaare thEy gaaooN men hum donoN ne jo bheege pal
Kuch meeThee meeThee baaten theeN jin se huuwa tha dil ghayal
Guzre waqt tire daman meN chuntee hooN yadooN ke phool
Pyaar ka ik pyara gulshan apnee ashkoN se seencha tha
Aaj hai veerana woh gulshan rung aur noor ki baat hi kya
Guzre waqt tire daman meN chuntee hooN yadooN ke phool
Dil ki "Aarzoo" dil meN raih gayee kyuun nah ho phir yeh dil bekul
Guzre lamhoN ki yaadoN se taRpe hai yeh man pal pal
Guzre waqt tire daman meN chuntee hooN yadooN ke phool
"Aarzoo Mehek"