Peshanee pe likhkhi huuwee taHreer pe haNs lo
Ai dosto aao miree taqdeer pe haNs lo

Hai reet riwaajoN ki mire paaoN meN zanjeer
haNsna hai tou is paaoN ki zanjeer pe haNs lo

TaSveer-e wafa main ne sajaayee hai lahoo se
Dil chaahe tou tum bhee miree taSveer pe haNs lo

Yeh ashk.e mohabbat hi tou jageer hai meree
tum shauq se logo miree jageeer pe haNs lo

Pahle mire afsaney ki tafseer tou sun lo
Phir shauq se afsaney ki tafseer pe hans lo

Is raah se tum ko bhi guzarna hai kisee roz
Ab chaho tou tum haalat-e rehgeer pe haNs lo

kal usko gale milte huuwe Khuwaab meN dekha
ai "aarzoo" is Khuwaab ki tabeer pe haNs lo

"Aarzoo Mehek"