Hum kahan aah aah wale hain
Runj-o-gham se nibaah wale hain

Hum se ab woh chura rahe haiN nigaah
Jinko samjhe they chaah wale haiN

Sheikh kerte hain deen kee bateN
Kaam lekin gunaah wale haiN

Kis se tanqeed ki karooN ummid
Sub yahaN waah waah wale haiN

Gham ke maaron ka sunto lo nauha
Unke afsane aah waale haiN

”Aarzoo” kis nazar se buch ke rahon
Sub buree hi nigaah wale hain

"Aarzoo Mehek"