So.nch raha hoo.N
Abb k Saal mai.n apnay saaray mamoolaat badal daalo.N ga
Yadoo.N k rastay per chalna
Tanhaee ki aag mai.n jalna
Baymasraf yu.n raat gaee takk jaagtay rehna
Guzray saalo.N ki baato.N ko sochtay rehna
Apni zaat mai.n gumm ho jana
Baithay baithay Tum ho jana
Apnay ghamm chupp chaap akylay sehtay rehna
Mai.n khush hoo.N yeah jhoot sabhi se kehtay rehna
Ashkoo.N se bheegay lafzoo.N ko chuntay rehna
Kaaghaz per nazmoo.N ki soorat buntay rehna
Soch raha hoo.N yeah halaat badal dalo.N ga
Abb k Saal mai.n apnay saaray mamoolaat badal daalo.N ga
Laikin aisa kaisay ho ga
Mai.n her saal december mai.n yeah sab kehta hoo.N
Apnay mamoolaat badalnay ki koshish mai.n
Rato.N ko phir dair talak jaaga rehta hoo.N
Soch mai.n guzray saalo.N ki baatai.n rehti hai.n
Yaadai.n askhoo.N mai.n dhall ker nazmai.n banti hai.n
Mai.n khud se tanhaee mai.n kehta rehta hoo.N
Apni zaat badal daalo.N ga
Yeah din raat badal daloo.N ga
Abb k Saal mai.n apnay saaray mamoolaat badal daloo.N ga
Laikin iss koshish mai.n saal guzer jaata hai
dil yaado.N se bharr jata hai
Aur mai.n phir iss saal december mai.n kehta hoo.N
Abb k Saal mai.n apnay saaray mamoolaat badal daloo.N ga
Apni zaat badal daloo.N ga
sab halaat badal daloo.N ga
Yeah din raat badal daloo.N ga
********************