Khud ko kyuu.N jism kaa zindaani kare.N,
fikr ko taKht-e-Sulemaanii kare.N,
der tak baiTh ke soche.N Khud ko,
aaj phir ghar me.N biyaabanii kare.N,
apne kamre me.N sajaaye.N aafaaq,
jalsa-e-be-sar-o-saamanii kare.N,
umar bhar sher kahe.N khuu.N thuuke.N,
muntaKhib raasta-e-nuqsanii kare.N,
Khud ke liye mol le.N izhaar ka qarz,
duusro.N ke liye aasanii kare.N,
sher ke lab pe Khamoshi likhe.N,
harf-e-naa-guftaa ko laa-saanii kare.N,
kiimiya karii hai fan apnaa "Saaz",
aag ko baiThe hue paani kare.N.