Ha.Ns ke bolaa karo bulaayaa karo,
aap kaa ghar hai aayaa jaayaa karo ,
muskurahaT hai husn kaa zevar,
ruup ba.Dhataa hai muskuraayaa karo,
had se ba.D kar hasiin lagte ho,
jhuuThii qasme.n zaruur khaayaa karo ,
hukm karnaa bhii ek saKhaavat hai,
ham ko Khidamat koii bataayaa karo ,
baat karnaa bhii baadshaahat hai,
baat karnaa na bhuul jaayaa karo ,
taa ke duniya kii dil-kashii na ghaTe,
nit naye pairahan me.n aayaa karo,
kitne saadaa mizaaj ho tum Aadam,
us galii me.n bahut na jaayaa karo.