Aap agar ham ko mil gaye hote,
baagh me.n phuul khil gaye hote,

aap ne yuu.N hii ghuur kar dekhaa,
ho.nTh to yuu.N bhii sil gaye hote,

kaash ham aap is tarah milte,
jaise do vaqt mil gaye hote,

ham ko ahal-e-Khirad mile hii nahii.n,
varnaa kuchh munfa-iil gaye hote,

[ahal-e-Khirad = intelligent; munfa-iil = ashamed]

us kii aankhe.n hii kaj-nazar thii.n Aadam,
dil ke parde to hil gaye hote.

[kaj-nazar = sly look]