Phuulo.n kii Tahaniyo.n pe nasheman banaayiye,
bijlii gire to jashn-e-charaaghaa.N manaayiye,
[Tahanii = branch; nasheman = nest]
[jashn-e-charaaghaa.N = celebration of lights]
kaliyo.n ke ang ang me.n miThaa saa dard hai,
biimaar nikhato.n ko zaraa gud gudaayiye,
[nikhat = fragrance]
kab se sulag rahii hai javaanii kii garm raat,
zulfe.n bikher kar mere pahaluu me.n aayiye,
bahkii huii siyaah ghaTaao.n ke saath saath,
jii chaahtaa hai shaam-e-abad tak to jaayiye,
[shaam-e-abad = unending evening]
sun kar jise havaas me.n ThanDak sii aa base,
aisii koii udaas kahaanii sunaayiye,
raste pe har qadam pe Kharaabaat hai.n Adam,
ye haal ho to kis tarah daaman bachaayiye.
[Kharaabaat = wine-bars]