Mujh say nafrat ya piyaar kar letay,
Silsila kuchh to yaar kar letay,

Baat karna giraa.n tha itna agar,
Khud pe taari khumaar kar letay,

Dhoop gar thy to zulf-e-janaa ka,
Saya he musteaar kar laitay,

Jab muqaddar mei.n hijratei.n hai.n likhei.n,
Zaad-e-raah chash-e-yaar kar letay,


Tere khuwaabo.n ko woh saja daita,
Yaad jo aik baar kar letay,

Hum ko miltay hai.n zakham roz naye,
In ko kaisay shumaar kar letay,

Apnay zakhmo.n ko taazgi day kar,
Intezaam-e-bahaar kar letay,

Milti jo teri yaad ki kashti,
Behar-e-gham hans kay paar kar letay,

Darguzar woh Ebad kar deta,
Aankh jo Ashkbaar kar letay.