Koocha-o-bazaar mei.n tanha he sab phirtay rahay,
Jism-o-jaan khoe rahay aur peerhan miltay rahay,
Aashiyaa.n bhi rafta rafta maqbaro.n mei.n dhal gaye,
Baam-o-dar ke khaamshi say saye bhi dartay rahay,
Badnaseebi, is tarha khaati hai hariyaali kay khait,
Jis tarha barish ko pee kar dasht yeh jaltay rahay,
Kar saki tabdeel kab koi qayamat bhi mizaaj,
Zindagi kay kaam to her haal mei.n chaltay rahay,
Kaun thay aur kis jagah kay log thay jo keh hamesh,
Zakham khaatay khaatay bhi dil say dua daitay rahay,
Koi to rakhay ga marham, dhoondiye ja kar Ebad,
Aanay wala hai Maseeha kab say yeh suntay rahay.