Jo apnay aap say nikloo.n to us ko ja kay miloo.n,
Mera to chehra he gum hai mai.n kiya dikha kay miloo.n,

Ghubaar-e-zaat mei.n to chhup gaye hai.n manzar sab,
Jo is pe barishei.n barsei.n to mai.n naha kay miloo.n,

Andheri raat mei.n dil chahay us kay dar pe mai.n,
Koi dua ka diya aankh mei.n jala kay miloo.n,

Mai.n us ke raah mei.n kashkool rakh doo.n sab apnay,
Woh badshah mai.n gadagar ho.n is ada say miloo.n,

Kabhi to mujh pe ho tu aa kay meharbaa.n aay hayaat,
Kabhi tujhey bhi khushi say galay laga kay miloo.n.