Veeraniyoo.n kay khauf say hansna parha mujhey,
Banjar zamei.n bhi khil uthay rona parha mujhey,

Sheesha garoo.n kay shehar mei.n suraj thay her taraf,
Saye ko lay kay saath he jalna parha mujhey,

Saghar say aashna tha na toofa.n say aashna,
Her mauj-e-tund khaiz say larhna parha mujhey,

Gul kar na day hawa-e-zamana so aay Khuda,
Dil ko jala kay seenay mei.n rakhna parha mujhey,


Duniya say jhuknay wala to lagta nahi Ebad,
Hai aur koi daikhta, Darna parha mujhey.