Day gaya kaun ye phir zakham-e-shanasai mujhey,
Dasht-e-ghurbat mei.n bhi chooray ge na rusvaai mujhey,


Ajnabi miltay hai.n raaho.n mei.n bicharh jaatay hai.n,
Qaaflay dard kay day jaatay hai.n tanhai mujhey,

Umar bhar jaagti hai.n aankhei.n sitaaray gintay,
Karni parhti hai siyaah raato.n ke sehraai mujhey,

seel-e-toofa.n kay bhanwar say abhi niklay bhi na thay,
Kahei.n lay doobay na phir dil ke ye dariyaae mujhey,

Garam mausam mei.n rakhei.n aag kay dil per phahay,
Phoonk daalay na kahei.n aaisi Maseehai mujhey.