Ye iltija hai ki tum baab-e-dil Khula rakhna
wisaal ka mire qaayam ye silsila rakhna
Jo chaahte ho mira saath zindagi bhar ho
mujhe Duaaon main phir yaad tum sada rakhna
Tumhari aakhri manzil agar mira dil hai
to phr zamaane se laDne ka hausla rakhna
Main apni jaan bhi qurbaan tum pe kardunga
bas itni gharz ki dil mujh se tum lagaay rakhna
Dua yahi karte haun ahel-e-dil har pal
ki laa-zawaal muhbbat ko Ya Khuda rakhna
Jahan bhi jaao zaroori ye kaam karna tum
nishaaN wafaaoN ke har waqt jaa ba jaa rakhna
Koi bura kahe “Aezazi” kehne do lekin
na dil main kabhi koi waswasa rakhna
********************************