Be noor si aa.nkhe.n hai.n to khamosh zabaz.n hai
Yeh kaif bahaara.n to nahi.n khauf khazaa.n hai

Ab chaand pe pahunche hai.n qadam ahle zamee.n ke
Ab chasnd bhi gum gashta si azmat ka nisha.n hai

Sunsaan si galiya.n hai.n to chup chaap si raahe.n
Aise hi kisi shahar me.n apna bhi makaa.n hai

Be barg se ashjar hai.n be rang shagoofe
Is sehne chaman par to beyaba.n ka guma.n hai

Jo bhi hai imaarat woh dhansi jayee zamee.n me.n
Yeh shahar tarb to nahi.n ik andha kua.n hai

Jab bhi tujhe parkha hai to yeh jaanaa hai hamne
Ik daur talak silsila-e-wahmo gumaa.n hai

961, Auger Avenue, Sudbury
Onario P3A 4A7, (Canada)