mera dil mubtala hai jhanwali ka
tari ankhiya.n saloni sanwli ka
gaya tan sukh ankhiya.n tar hai.n gham si.n
hua hu.n shah KHushki o tari ka
jabhi tu pan kha kar muskuraya
tabhi dil khil gaya gul ki kali ka
kahta hu.n wasf dandan-o-misi ke
maza leta ho.n ab tal-chawli ka
nahi.n hai reKHte ke bahr ka par
samajh mat sher us ku.n parsi ka
jo ru pao to dil mera dikhao
suna hai shoKH KHwaha.n aarasi ka
mujhe kahte hai.n 'yakru' sab mohibba.n
ki banda jaa.n si.n hu.n hazrat-'ali' ka

****************