Yeh soch kar maiN rukaa thaa ki aasmaaN hai yahaaN,
zamiiN bhii paaoN ke niiche, so ab dhuvaaN hai yahaaN,
na koii Khwaab na Khwaahish, na Gham na Khushii,
voh be-hisii hai ki har shaKhs raaigaaN hai yahaaN,
yahaaN kisii ko koii vaastaa kissi se nahiiN,
kisii ke baare meN kuchh sochnaa ziyaaN hai yahaaN,
uThaaye phirte haiN diivar-e-giryaa pusht pe log,
nafs nafs meN ajab mahshar-e-fuGhaaN hai yahaaN.