MAI AZAL SEY JO SAFAR PAR NIKLA
YEH SAFAR MERA MUQADDAR NIKLA
DEY RAHA THA WHO DILASA MUJH KO
MERA HUM DUM DIL-E MUZTAR NIKLA
MAI USEY DHOOND RAHA THA BAAHAR
MERA DIL BAR MEREY UNDAR NIKLA
SANG REZA MAIN SAMAJH TA THA JISEY
WOH TO GOHAR SE BHI BADH KAR NIKLA
MAI NE QABOO MAEN USEY RAKKHA THA
DARD-E DIL NIKLA, BARABAR NIKLA
QATHRA-E ASHK SAMAJHTA THA JISEY
WOH MUHABBATH KA SAMANDAR NIKLA
PHIR KADI DHOOP NA HO TI KAISEY
GHAM KA SURAJ MERY SAR PAR NIKLA
YAAD AAI JO KISI KI HAMMAD
AEK AUR ZAKAM JIGAR PAR NIKLA
******