غزل

موسمِ گل ہے کہ گلرنگ سا خوں کا موسم
گل کھلاتا ہے نئے اس کے فسوں کا موسم
سوگیا آج مرے جذبِ دروں کا موسم
نارسا رہ گیا پھر آہِ فزوں کا موسم
ہے ضرورت کہ چراغوں کو لہو دیں پھر سے
ہم پہ گزرا ہے بہت سخت جنوں کا موسم
اس کی انصاف نگاہی نے سمجھنے نہ دیا
کب زبوں حال ہوا حالِ زبوں کا موسم
ہاں کرو اور ستم اور ستم تم ہم پر
دلِ پُرخوں کے لئے درد سکوں کا موسم

ابوذر ہاشمی

Flat.103, Central Govt. Quarters
Type-4, Belvedre, Alipore, Kolkata-27
Mob: 9330057962

بشکریہ ’’میر بھی ہم بھی‘‘ مرتب: مشتاق دربھنگوی
………………………