|
* Karb ke shahar se nikle to ye manzar dekhaa, *
Karb ke shahar se nikle to ye manzar dekhaa,
ham ko logo.n ne bulaayaa hame.n chhuu kar dekhaa ,
[karb=anguish]
jab bhii chaahaa hai ki malabuus-e-vafaa ko chhuu le.n,
misl Khushbuu ko_ii u.Dataa huaa paikar dekhaa ,
[malabuus=garment; misl=example; paikar=form]
vo barasaat me.n bhiigaa to nigaahe.n uTThii.n,
yo.n lagaa hai ko_ii tarshaa huaa patthar dekhaa ,
zindagii kitnii pareshaa.N hai ye sochaa bhii na thaa,
is ke ataraaf me.n sholo.n kaa sama.ndar dekhaa ,
[ataraaf=all around]
aa ga_ii Gham kii havaa phir tere gesuu chhuukar,
hamane viiraanaa-e-dil phir se mu’attar dekhaa ,
[gesuu=hair; mu’attar=filled with perfume]
vo jo u.Datii hai sadaa dasht-e-vafaa me.n "Afzal",
usii miTTii me.n nihaa.N dard kaa gauhar dekhaa .
[dasht=desert; nihaa.N=hidden; gauhar=pearl]
|
|