* کِس کی مُٹّھی میں ھے ھر شے کہاں ھم ج *
غزل
کِس کی مُٹّھی میں ھے ھر شے کہاں ھم جانتے ھیں
کیا پسِ پردہ ھُوا طے کہاں ھم جانتے ھیں
جو پِلا دی گئی ھے مے کہاں ھم جانتے ھیں
زھر ھے صرفِ رگ و پے کہاں ھم جانتے ھیں
زرخرید ایک سے اِک پھیلا ھُوئے ھیں ھرسُو
کون کِس شکل میں کیا ھے کہاں ھم جانتے ھیں
کِس نے سُر توڑ کے رکھّا ھے مُغنّی کا یہاں
کِس نے پھیری ھُوئی ھے لَے کہاں ھم جانتے ھیں
کون نِگرانی پہ مامُور ھماری ھُوا ھے
کِس بُلندی پہ ھے کیا شے کہاں ھم جانتے ھیں
کِس کی یہ دست درازی ھے کہ جِس کے ھاتھوں
دستِ ھر شخص بندھا ھے کہاں ھم جانتے ھیں
جانتے ھیں کہ کہیں پر وہ ھمیں دیکھتا ھے
کب سُنے مُطربوں کی لے کہاں ھم جانتے ھیں
ایک طُوفانِ خبر بے خبَری کا ھے نوید
حادثہ جو بھی ھُوا ھے کہاں ھم جانتے ھیں
افضال نوید
|