|
* Lab-e Khaamosh se afshaa hogaa, *
Lab-e Khaamosh se afshaa hogaa,
raaz har rang me.n rusvaa hogaa
dil ke sahraa me.n chalii sard havaa,
abr gul_zaar pe barsaa hogaa ,
tum nahii.n the to sar-e-baam-e-Khayaal,
yaad kaa ko_ii sitaaraa hogaa ,
kis tavaqqo pe kisii ko dekhe.n,
ko_ii tum se bhii hasii.n kyaa hogaa ,
ziinat-e-halqaa-e-aaGhosh bano,
duur baiThoge to charchaa hogaa ,
zulmat-e-shab me.n bhii sharmaate ho,
dard chamkegaa to phir kyaa hogaa ,
jis bhii fan_kaar kaa shaahkaar ho tum,
us ne sadiyo.n tumhe.n sochaa hogaa ,
kis qadar karb se chaTakii hai kali,
shaaKh se gul ko_ii TuuTaa hogaa ,
umr bhar roye faqat is dhun me.n,
raat biitii to ujaalaa hogaa ,
saarii duniyaa hame.n pahchaantii hai,
ko_ii ham-saa bhii na tanhaa hogaa .
|
|