Mom Ki Guriya Mere Dil Mein Aag Laga Di Hay Tu Ne,
Achi Bhali Soi Hui Hasrat Phir Se Jaga Di Hay Tu Ne,

Mom Ki Guriya Haa'ey Tera Nazuk Nazuk Sa Paikar,
Mere Har Su Pholo'n Ki Mehkaar Saja Di Hay Tu Ne,

Mom Ki Guriya Teri Khatir Dhoop Mein Badal Barsa Hay,
Patjharr Mein Bhi Kaliyo'n Ko Khilney Ki Ada Di Hay Tu Ne,

Mom Ki Guriya Kiya Mein Kahun K Tu Ne Kiya Kiya Kar Dala,
Bujhtey Huey Sholo'n Ko Yakdam Phir Se Hawa Di Hay Tu Ne,

Mom Ki Guriya Tujhko Khabar Kiya Dil Mein Kitni Hulchal Hay,
Ujri Hui Dil Ki Ye Basti Phir Se Basa Di Hay Tu Ne,

Mom Ki Guriya Har Lamha Ye Tujhko Takti Rehti Hein,
Meri Aankho'n Ko Kaisi Ye Baat Bata Di Hay Tu Ne,

Mom Ki Guriya Tu Jo Aai Saath Hi Sawan Bhi Aya,
Barso'n Pyaasey Ek Sehra Ki Pyaas Bujha Di Hay Tu Ne,

Mom Ki Guriya Dekh Na Hum To Tan Man Sab Hi Waar Aayee,
Hum Jaisey Diwaano'n Ko Kaisi Ye Sada Di Hay Tu Ne,

Mom Ki Guriya Dekh K Tujhko Dil Kitna Shaffaaf Hua,
Jo Thi Mujh Par Gard Jami Saari Hi Hata Di Hay Tu Ne,

Mom Ki Guriya Tere Aaney Se Hi Saarey Phool Khiley,
Mere Ujrey Gulshan Ko Mehki Si Fiza Di Hey Tu Ne,

Mom Ki Guriya Tere Naina Janey Kiya Kiya Keh Bethey,
Baat Chupaney Wali Bhi Ankho'n Se Bata Di Hay Tu Ne,

Mom Ki Guriya Payal Teri Chan Chan Karti Rehti Hay,
Taal Se Mere Dil Ki Hamdam Taal Mila Di Hay Tu Ne,

Mom Ki Guriya Teri Baanhein Aur Hatho'n Ki Vo Mehendi,
Mere Chaman K Pairo'n Ki Har Shaaakh Jala Di Hay Tu Ne,

Mom Ki Guriya Laga K Kajal Phool Saja Kar Balo'n Mein,
Dekh K Aksar Aaienaa Khud Se Hi Haya Ki Hay Tu Ne,

Mom Ki Guriya Kyo'n Har Su Ye Kaaley Kaaley Badal Hein,
Mujhko Bata Kiya Meri Khatir Zulf Ghata Ki Hay Tu Ne,

Mom Ki Guriya Dekh K Mujhko Kyu'n Itna Muskaai Tu,
Rab Hi Janey K Ye Kaisi Rasm Ada Ki Hay Tu Ne,

Mom Ki Guriya Tera Chehra Mera Pehra Karta Hay,
Meri Aankho'n Mein Apni Tasveer Bana Di Hay Tu Ne,

Moam Ki Gurya Dekh Na Ab Tak Hosh Nahi Aaya Mujhko,
Apni Aankho'n Se Mujhko Kiya Cheez Pila Di Hay Tu Ne,

Mom Ki Guriya Pata Nahi Mein Tujh Se Kaisey Haar Gaya,
Meri Ana Ki Har Ek Choootti Pal Mein Jhuka Di Hay Tu Ne,

Mom Ki Guriya Meri Tarah To Bhi Kitni Mohtaat Rahi,
Meri Tarah Hi Zabpt Ki Kashti Paar Laga Di Hay Tu Ne,

Mom Ki Guriya Dushman Bhi Ab Mujhko Pyaarey Lagtey Hein,
Dil Se Nafrat Ki Har EK Divaaar Gira Di Hay Tu Ne,

Mom Ki Guriya Mein Ne Suna Hay Teri Palkein Bheeg Gaien,
Hansti Hui Barsaat Bhi Apne Saaath Rula Di Hay Tu Ne,

Mom Ki Guriya Ye Pathar Dil Dekh Na Kaisy Pighal Ga'ey,
En Pathar Dil Walo'n Ko Kaisi Ye Saza Di Hay Tu Ne,

Mom Ki Guriya Tere Bin Ye Jeena To Hay Na Mumkin,
Phir Ye Bata Dy Kyo'n Mujhko Jeeney Ki Dua Di Hay Tu Ne,

Mom Ki Guriya Teri Fitrat Mein To Mohabbat Chahat Thi,
Kaisy Bhala Phir Nafrat Ko Yun Dil Mein Jagha Di Hay Tu Ne,

Mom Ki Guriya Dheerey Dheerey Tu Ne Ye Dil Torr Diya,
Rafta Rafta Meri Har Ek Baat Bhula Di Hay Tu Ne,

Mom Ki Gurya Dekh Na Ahmed Pal Mein Kaisy Machal Gai,
Mom Ki Gurya Ko Kiya Koi Ghazal Suna Di Hay Tu Ne?
(Ahmed Hassaan)