Apne Jaado Chalana Kahi'N Aur Tum,
Es Tarah Muskurana Kahi'N Aur Tum,

Kuch Bhi Kar Lo Mgar Ab Na Pighlo'nga Mein,
Ye Adaien Dikhana Kahi'N Aur Tum,

Zakhm Se Bhi Mra Kuch Na Bigrey Ga Ab,
Apne Khanjar Chalana Kahi'N Aur Tum,

Ab Ye Mairey Liye Qeemti Bhi Nahee,
Jaan Apni Ganwana Kahi'N Aur Tum,

Khair Maqdam Kary Ga Na Koocha Mra,
Chupkey Se Loat Jana Kahi'N Aur Tum,

Sakht Uljhan Thi Mumkin Na Kuch Bhi Howa,
Ye Kahaani Banana Kahi'N Aur Tum,

Mairi Aankho'n Se Kuch Bhi Na Tapkey Ga Ab,
Be-Baso'n Ko Rulaana Kahi'N Aur Tum,

Ye Nidamat Nahi Mujhko Sab Hay Khabarr,
Aisey Nazrein Jhukana Kahin Aur Tum,

Taira Ahmed Tha Mein Yaad Hay Tujhko Kiya?
Dhoondna Ab Dewaana Kahi'N Aur Tum...!!!!

(Ahmed Hassaan)