Duniyaa .n mei.n hoo.n duniyaa kaa talabgaar nahii.n hoo.n
Baazaar se guzraa hoo’n Khariidaar nahii’n hoo’n
Zindaa hoo’n magar ziist kii lazzat nahii’n baaqii
Har chand ki hoo’n hosh me hoshiyaar nahii’n hoo’n
Is Khaanaa-e-hastii se guzar jaauungaa belaus
Saayaa hoo’n faqat naqsh-e-diivaar nahii’n hoo’n
Afasurdaa hoo’n ibrat se davaa kii nahii’n haajat
Gham kaa mujhe ye zauf hai biimaar nahii’n hoo’n
Vo gul hoo’n Khizaa’n ne jise barbaad kiyaa hai
Uljhuu’n kisii daaman se mai’n vo Khaar nahii’n hoo’n
Yaarab mujhe mahfuuz rakh us but ke sitam se
Mai’n us kii inaayat kaa talabgaar nahii’n hoo’n
Afasurdagii-o-jaur kii kuchh had nahii’n "Akbar"
Kaafir ke muqaabil me bhii diindaar nahii’n hoo’n