Hota Gaya jab mujh se woh anjan zeyada
Hone lagi us shakhs se pehchan zeyada

Kiya jane hai kis burj me'n qismat ka sitara
Kuchh din se tabiyat hai pareshan zeyada

Paya hai jaha'n kuchh, wahi'n khoya hai bahut kucch
Hijrat me'n hua hai hame'n nuqsan zeyada

Keya khush ho dil us vada-e-farda pe   ke jis me'n
Milne se na milne ka ho imkan zeyada

Keya jane kab aajaye gharhi naqal maka'n ki 
Accha hai ke ghar me'n na ho samaan zeyada

"Akbar" hai ajeeb aab-o-hawa dil ki zami'n ki
Gulzar yaha'n kam hai'n , bayaban zeyada

				14, Beech Crescent, 
				Kidlington, Oxford OX5 IDW (U.K)