Yeh kis jurm ki ab saza di gayee
Ke shakh-e- nasheman jala di gayee

Jaha'n ke maki'n had se aage barhe
Woh basti hi ek din mita di gayee

Jo tasweer aa'nkho'n me'n rakhne ki thee
Woh bazaar me'n kiyo'n saja di gayee

Mujhe zauqe sher-o-sukhan de diya
Meri umar kitni barha di gayee

Chhupaye se afsurdagi kab chhupi
Khushi yu'n to rukh par saja di gayee

Azal se jo wajhe taalluq rahi
Wahi baat "Akhtar" bhula di gayee

			Rangeen Chaupal,
			Shahjahanpur-242001(U.P)