Wo kahte hai'n ranjish ki batai'n bhula de, 
mohabbat kare Khush rahe muskura de, 
jawani ho agar javidani to ya rab, 
teri sada duniya ko jannat bana de, 
shab-e-vasl ki beKhudi chah rahi hai, 
kaho to sitaroon ki shamaain bujha de, 
tum afsana-e-qais kya puchhate ho, 
idhar ao hum tum ko laila bana de ,
baharain simaT aye khil jaye kaliyaN ,
jo hum tum chaman main kabhi muskura de, 
wo ayenge aj ai bahar-e-mohabbat, 
sitaroon ke bistar main kaliyaN bicha de.