Mai’n jahaa’n tum ko bulaataa hoo’n vahaa’n tak aao
Merii nazaro’n se guzar kar dil-o-jaa'n tak aao

Phir ye dekho ki zamaane kii havaa hai kaisii
Saath mere mere firdaus-e-javaa’n tak aao

Tegh kii tarah chalo chhorh ke aaghosh-e-niyaam
tiir kii tarah se aaghosh-e-kamaa'n tak aao

Phuul ke gird phiro baagh me’n maanind-e-nasiim
Misl-e-parvaanaa kisii sham-e-tapaa'n tak aao

Lo vo sadiyo’n ke jahannum kii hade’n Khatm huii
Ab hai firdaus hii firdaus jahaa’n tak aao

Chhorh kar vaham-o-gumaa'n husn-e-yahqii'n tak pahuncho
Par yaqii'n se bhii kabhii vaham-o-gumaa'n tak aao