Phir vahii maa’nge hue lamhe, phir vahii jaam-e-sharaab,
phir vahii taariik raato’n me’n Khayaal-e-maah-taab,
phir vahii taaro’n kii peshaanii pe rang-e-laazavaal,
phir vahii bhuulii huii baato’n kaa dhundhalaa saa Khayaal,
phir vo aa’nkhe’n bhiigii bhiigii daaman-e-shab me’n udaas,
phir vo ummiido’n ke madfan zindagii ke aas-paas,
phir vahii fardaa kii baate’n phir vahii miiThe saraab,
phir vahii bedaar aa’nkhe’n phir vahii bedaar Khvaab,
phir vahii vaaraftagii tanhaaii afsaano’n kaa khel,
phir vahii ruKhsaar vo aaGhosh vo zulf-e-siyaah,
phir vahii shahar-e-tamannaa phir vahii taariik raah,
zindagii kii bebasii uff vaqt ke taariik jaal,
dard bhii chhin-ne lagaa ummiid bhii chhin-ne lagii,
mujh se merii aarzuu-e-diid bhii chhin-ne lagii,
phir vahii taariik maazii phir vahii bekaif haal,
phir vahii besoz lamhe’n phir vahii jaam-e-sharaab,
phir vahii taariik raato’n me’n Khayaal-e-maah-taab,