Dabii huii hai mere labo’n me kahii’n pe vo aah bhii jo ab tak
Na sholaa ban ke bhaDak sakii hai na ashk-e-besuud ban ke niklii

Ghutii huii hai nafas kii had me jalaa diyaa jo jalaa sakii hai
Na shamaa ban kar pighal sakii hai na aaj tak duud ban ke niklii

Diyaa hai beshak merii nazar ko vo paratau jo dard bakhshe
Na mujh par Ghaalib hii aa sakii hai na meraa masjuud ban ke niklii