* کاش اک شب نہ ان کا آئے خیال *
غزل
کاش اک شب نہ ان کا آئے خیال
اور وہ آئیں خود بجائے خیال
خواب کے خوشنما سمندر تک
آپ پہنچے گا آبنائے خیال
ساتواں در کھلے گا لفظوں کا
دستکیں دے گئیں ندائے خیال
شام ڈھلتے ہی جگمگا تے ہیں
زینئہ شب پہ نقشِ پائے خیال
بجھ گئے ہیں چراغ عارض کے
چاک در چاک ہے ردائے خیال
اتنے بدلے ہیں میرے گرد و پیش
محوِ حیرت ہیں دیدہ ہائے خیال
ضربِ سنگِ حیات سے آزرؔ
سرُخ رو ہوگئی حنائے خیال
****
|