Hayrat-e-Mafqood ki jaadu gari hai dur tak
Ik nafi hoti huwii laa manzari hai dur tak
حیرت مفقود کی جادو گری ہے دور تک   
اک نفی ہوتی ہوئی لا منظری ہے دور تک 
 
Ik khala ehsaas jam kar reh gayaa hai rooh mei’n
Ik gulaabi narm-o-naazuk si kami hai dur tak
اک خلا احساس جم کر رہ گیا ہے روح ميں  
اک گلابی نرم و نازک سی کمی ہے دور تک
 
Ye saraabo’n ka safar aur raakh jazbo’n ki thakan
Zindagi ik jal bujhi si maandgi hai dur tak
يہ سرابوں کا سفر اور راکھ جذبوں کی تھکن  
زندگی اک جل بجھی سی ماندگی ہے دور تک 
 
Teergi ki wusa’ato’n mei’n dhundati hai koi shaye
Fikr Jugnu ki qabaa mei’n udh rahi hai dur tak
تیرگی کی وسعتوں ميں ڈھونڈتی ہے کوی شۓ  
فکر جگنو کی قبا ميں اڑ رہی ہے دور تک    
 
Zehr ke saare samandar pi chukka hun mai’n KAMAL.
Phir bhi sehrao’nke jaysi tishnagi hai dur tak
زہر کے سارے سمںدر پی چکا ہوں ميں کمال 
پھر بھی صحراؤں کے جیسی تشنگی ہے دور تک