|
* Is raah-e-muhabbat me.n tuu saath agar hotaa, *
Is raah-e-muhabbat me.n tuu saath agar hotaa,
har gaam pe gul khilte Khushbuu kaa safar hotaa,
[gaam=step]
uThataa mere pahaluu se vo mehr-e-shanaasaa_ii,
ik roz to aisaa bhii aaGhaaz-e-sahar hotaa,
[shanaasaa_ii=acquaintance; aaGhaaz=start]
ashk-e-sar-e-mizshgaa.N ko chun letaa vo palko.n se,
ik roz to aisaa bhii diidaa-e-tar hotaa,
[mizshgaa.N=eyelid; diidaa-e-tar=eyes filled with tears]
ye tark-e-ta’alluq kii sun lete nasihat bhii,
"Tashna" jo ko_ii us kaa mahbuub-e-nazar hotaa.
[tark-e-ta’alluq=to give up acquaintanceship; nasihat=advice]
|
|