* Inquilab aisa hamen duniya mein lana chahiye *
Inquilab aisa hamen duniya mein lana chahiye
har bashar ko amn ka parcham uthana chahiye
zindegi sab ko milay khushiya'n bane'n sab ka naseeb
rahate'n har aik ke hisse mein aana chahiye
sochte hain jo, muhabbat jism ka ik khel hai
silsila hai rooh ka ,, un ko batana chahiye
bewafai ka har ik ilzam kyu'n hampar lage
zimmedari aap ko bhi kuchh uthana chahiye
chahato'n aur nafrato'n se hai bhari ye zindegi
beech ka kuchh raasta ab aazmana chahiye
sath jaise raat bhar shamma ke parwana jale
umr bhar ka sath aise hi nibhana chahiye
zindegi ik jhoot hai sach to ALEENA maut hai
aakhri manzil wohil hai ik bahana chahiye
_____________________ALEENA ITRAT RIZVI
|