_________GHAZAL__________

Jab wo ghairi'n ka naam lete hain
ham murawwat se kaam lete hain

aik sailab ik samundar ko
apni palko'n mai tham lete hain 

phool to sath chhor jate hain 
khar daman ko tham lete hain

bewafa hain wo bavajood is ke
khud se ham inteqam lete hain 

nao toofa'n ko saunpne wale 
ham tera ab bhi naam lete hain 

mere malik ye ism pak tra
ba adab ham ghulam lete hain

ae aleena har aik mushkil mai 
ham khuda ka hi naam lete hain
****