غزل
اجنبی سا اک ستارہ ہوں میں سیّاروں کے بیچ
اک جدا کردار ہوں اپنے ہی کرداروں کے بیچ
پھر رہی ہوں بے سبب پاگل ہوا سی جا بجا
دھندمیں لپٹے ہو�ؤ خاموش کہساروں کے بیچ
اس حصار خاک کو جب توڑ کر نکلوں گی میں
ڈھونڈتے رہ جاؤ گے تم مجھ کو دیواروں کے بیچ
شکل یہ بہتر ہے لیکن پختگی کے و اسطے
آؤ مٹّی کو رکھیں کچھ دیر انگاروں کے بیچ
کچھ کڑے ٹکراؤ دے جاتے ہیں ا کثر روشنی
جوں چمک اٹھتی ہے کوئ برق تلواروں کے بیچ
۔۔۔۔۔۔۔۔۔۔۔۔۔۔۔۔علینا
۔۔۔۔۔۔۔۔۔۔۔۔۔۔۔۔۔۔۔۔۔۔