* ''YE MEHAKTA GULAB LE JAO' *
GHAZAL,
''YE MEHAKTA GULAB LE JAO'
lo hamara jawab le jao
ye mehakta gulab le jao
raat , jo saunpne chali hai mujhe
un mai thode se khwab le jao
jis mai mehfooz hain gulab sabhi
mujh se tum wo kitab le jao
bewafai mera muqaddar hai
apne waade janab le jao
jab haqeeqat ye ban nahi sakte
meri aankho'n se khwab le jao
nafrato'n ki saleeb par latke
saans ke ye azaab le jao
'BY ALEENA ITRAT RIZVI ..... |