دعائیہ نظمیہ
(نذر اختر عثمان)
 
علی بابا تاج
 
خداوندا
میرے احساس سے وابستہ ساری
آرزؤں ، خواہشوں کے خواب رہنے دو
ابھی دل میں کسی ارمان کے کچھ باب رہنے دو
خدواندا
میرے ان استعاروں میں
جو لفظوں کے
نظر کے زاویے ہیں
انہیں سیماب رہنے دو
خداوندا خداوندا
دریدہ دامنی میں بھی میرے کچھ خواب رہنے دو
خلش ایسی کہ جس میں رنگ بھرنے کو
ابدتابی و تابانی اتر آئیں
مجھے آسودگی سے خوف آتا ہے
سکوت جاں کسی انجام کا اک استعارہ ہی نہ بن جائے
کہیں ایسا نہ ہو سب خواب مرجائیں
خداوندا سخن آغاز کرنے کو
دریدہ دامنی میں بھی میرے کچھ خواب رہنے دو
*******************