سکوتِ ساعتِ موجود
 
علی بابا تاج
 
عجیب احساسِ واماندگی ہے، جو ہَے
ملال نغمہ ء نا سرودہ ہے، کیاہےَ؟ٰ
پلک پلک سے ابھرتے سورج کی شعاعیں
کترتی جارہی ہیں
نفَس نفَس سے کٹ رہی ہے خوشبو
پلٹ پلٹ کے رنگ بدلتے ہوئے پھول،پتے
یہ کیا ہےَ؟ٰ
سکوتِ ساعتِ موجودنے
حیات وزیست کے عنوان ہی بدل ڈالے
یہ کیا ہےَ؟
نا آسودہ تمام آروزؤں نے
صحن ِ دل کی تمام کِرچی کِرچی ہوتی کھِلتی صورتوں سے
حُسن چھینا کہ اب روئے صفحہ ء بے سَتر میں
مستور ہوگئے ہیں
سَطر سَطر پہ لکھے ہوئے تھے
وصال و ہجر کے قصّے۔۔۔ٰ
اب، میں ہُوں
اور، یہ خامہ ء حَزیں
سوچتا ہوں
جو تھا یہاں پہ،اب کہا ں ہے؟ٰ
جو ہے۔۔۔کیا ہے؟ٰ
********************