GUZARTI BARSAAT AATEY JAADOn KE NARM LAMHEY
HAWAAOn MEIn TITLIYOn KE MAANIND UD RAHEY HAIn
MAIn APNEY SEENEY MEIn DIL KI AAWAAZ SUN RAHAA HOOn
RAGOn KE ANDAR LUHOO KI BOOnDEIn MACHAL RAHI HAIn
MIREY TASAWWUR KE ZAKHM KHURDAA
UFUQ SE YAADOn KE KAARWAAn Yon GUZAR RAHEY HAIn
KE JAISEY TAAREEK SHAB KE TAAREEK AASMAAn SE
CHAMAKTEY TAAROn KE MUSKURAATEY HUJOOM GUZREIn
MAIn QAID KHAANEY MEIn ISHQ PECHAAn KI SABZ BELOn KO DHOOnDTAA HOOn
JO PHAIL JAATI HAIn APNEY PHOOLOn KE NAnHEY NAnHEY CHARAAGH LE KAR
KAHAAn HAIn WO DIL NAWAAZ BAAnHEIn
WO SHAAKH-E-SAnDAL
KE JIS PE AnGDAAIYOn NE APNEY HASEEn NASHEMAN BANAA LIYE HAIn
MAIn APNI MAAn KE SUFAID AAnCHAL KI CHHAOn KO YAAD KAR RAHAA HOOn
MIRI BAHAN NE MUJHEY LIKHAA HAI
NADI KE PAANI MEIn BED KI JHAADYAAn ABHI TAK NAHAA RAHI HAIn
PAPEEHEY RUKHSAT NAHIEn HUYE HAIn
ABHI WO APNI SURELI AAWAAZ SE DILOn KO LUBHAA RAHEY HAIn

MAIn RAAT KE WAQT APNEY KHWAABOn MEIn CHAUnK PADTAA HOOn JAISEY MUJH KO
AVADH KI MITTI BULA RAHI HAI

SUFAID AATAA SIYAAH CHAKKI SE RAAG BAN KAR NIKAL RAHAA HAI
SUNHEREY CHOOLHOn MEIn AAG KE PHOOL KHIL RAHEY HAIn
PATELIYAAn GUNGUNAA RAHI HAIn
DHUEIn SE KAALEY TAWEY BHI CHInGAARIYOn KE HOOnTOn SE HAnS RAHEY HAIn
DOPATTEY AAnGAN MEIn DORIYOn PAR TAnGEY HUYE HAIn
AUR UNKEY AAnCHAL SE DHAANI BOOnDEIn TAPAK RAHI HAIn SUNHERI PAGDAnDIYOn KE DIL PAR
SIYAAH LAHnGOn KI SURKH GOTEIn MACHAL RAHI HAIn

YE SAADGI KIS QADAR HAEEn HAI
MAIn JAIL MEIn BAITHEY BAITHEY AKSAR YE SOCHTAA HOOn
JO HO SAKEY TO AVADH KI PYAARI ZAMEEN KO GOD MEIn UTHAA LOOn
AUR USKI SHAADAAB LAHLAHAATI JABEEn KO
HAZAAROn BOSOn SE JAGMAGAA DOOn
****