* Bay hadd o be shumaar hon aur baar baar hon *
Bay hadd o be shumaar hon aur baar baar hon
Aalam hay jis say mast,Ali wo khumaar hon..!!
Tum jis ka naam sunte hi aaye ho wajj,d mein..
yaaro main us jamaal ka khalwatguzzar hon..!!
Dhool urr rahi hay anfus o aafaaq mein meri..!!!
Sab jis pe chal rahe hain main wo rehguzzaar hon..!!
Insaan kiun bhatakta phire?gar yeh jaan lay..
Parwardigaar ka hon k parwardigaar hon..!!
mujh sarzameen e ishq k Arz o sama Alag..
Dunyaa e chaak o khaak se Agla Madaar hon..
Haft aasmaan o chouda (14) zameenon ki hay qasam..!!
Insaan hon ,main aalam e Akbar Dayaar hon..!!
Sufi nahi..... faqeer nahi.... ...falsafi nahi..!!
Bas itna janta hon k Yaaron ka yaar hon..!!!
Wo shoula e sukhan hon k jalta hon be panaah..!!
Wo taigh e ishq hon k Buhat taizdhaar hon..!! |