Kabhi aye haqiqat-e-muntazir nazar a libas-e-majaz mei'n,
ke hazaro'n sajde tarhap rahe hai'n teri jabin-e-niyaz mei'n,

tarab aashna-e-kharosh ho tu nawa hai mahram-e-gosh ho,
wo surur kya ke chhaya hua ho sukut-e-parda-o-saz mei'n,

tu bacha bacha ke na rakh ise tera aina hai wo aina,
ke shikasta ho to aziz tar hai nigah-e-aina-saz mei'n,

dam-e-tauf kar mak-e-shamma na ye kaha ke wo asr-e-kohan,
na teri hikayat-e-soz mei'n na meri hadis-e-gudaaz mei'n,

na kahi'n jaha'n mei'n aman mili jo aman mili to kaha'n mili,
mere jurm-e-khana kharab ko tere azo-e-banda-nawaz mei'n,

na wo ishq mei'n rahi'n garmiya'n na wo husn mei'n rahi'n shokhiya'n,
na wo ghaznawi mei'n tarhap rahi na wo kham hai zulf-e-ayaz mei'n,

jo mai'n sar-ba-sajda kabhi hua to zami'n se aane lagi sada,
tera dil to hai sanam-aashna tujhe kya milega namaz mei'n.